Tunngaviusumik niuernermik ilinniartinneqartarnerup ukiunik marlunnik sivikillineqarnissaanik NuSuKa-p siunnersuuteqarnera, arlalinnit tapersersorneqanngilaq.
Kalaallit Nunaanni sulisitsisut kattuffiata ILIK-up NuSuKa-p siunnersuutaa akerlilerpaa.
TNI-mik ilinniartitsinerup ukiunik marlunnik sivitsorneqarnera 2001-mi pivoq, ILIK-milu isumaqarput taamatut aaqqiisimaneq niuernermik ilinniarnermik pitsanngoriartitsisimasoq.
ILIK aamma isumaqarpoq, TNI-mik ilinniartitsinerup ukiunik sisamanik sivisussuseqarnera, nunani allani ilinniaqqinnissanut periarfissagissaartitsinerusoq. TNI-p sivitsorneqarsimanera pitsaassuseqarnerulersitsisimavoq, ILIK-mi siulersuisuni siulittaasoq Ole Keilmann Hansen oqarpoq.