ILIK: Allineqapallanniarlik

Sulisitsisut peqatigiiffianni ILIK-mi pisortaq Steffen Ulrich-Lynge isumaqarpoq Nuummi sulisitsisut ineriartortsitsisinnaanerat killeqartoq, taamaammallu Nuummi mittarfik tallineqartariaqartoq aammalu talittarfiup suliarineqarnissaa pingaaruteqartoq.

- ILIK isumaqarpoq Nuup mittarfia tallineqarpat aammalu talittarfik Qeqertanut nuunneqarpat Nuummi namminersortut aningaasarsiornerat ilorraap tungaanut ingerlalissasoq, Steffen Ulrich-Lynge oqarpoq nangillunilu;- Talittarfik mittarfillu iluarsippata niuerneq pitsaaneq anguneqarsinnaalissaaq.

GA-p nuummi immikkoortortaqarfia isumaqarpoq, atlantikoq qulaallugu timmisartorsuarnut mittarfimmik nuummi sanasoqarnissaa pingaarnerusoq, tamannali ILIK-mit akerlilerneqarpoq.

- Misissuinerit aallartinneqareersut inerneri piviusorsiorpalaanngillat, aningaasammi atorneqartussatut taaneqartartut 4.mia.kr.-nik amerlassuseqarput, taamatullu amerlatigisut nunatta karsiata ukiumut atortarpai, Sulisitsisut Kattuffianni ILIK-mi pisortaq Steffen Ulrich-Lynge oqarpoq. ILIK aamma isumaqarpoq nuummi mittarfiup tallineqarnera ilutigalugu talittarfik aamma sananeqartariaqartoq.