Aningaasaqarnermut Naalakkersuisoq Inuit Ataqatigiinnilu siulittaasoq Josef Motzfeldt isumaqarpoq, Naalakkersuisooqatigiit akornani ileqqorissaarnerusariaqartoq. Taama Josef Motzfeldt oqarpoq, Siumut kingornalu Atassut aningaasaqarnerup iluani politikkikkut allannguutissanik piumasaqarlutik saqqummereersullu.
- Naalakkersuisooqatigiit isumaqatigiissutigisimasaanut assortuisunik malussartoqarpat, siullertut oqaloqatigiittussat tassaapput naalakkersuisooqatigiissallutik atsioqataasimasut partiit pingasut. Ingerlaasissatsisut atsioqataaffigisimasarput ippinnartoqarpat, partiit pingasut taakkua oqartussaasui tassaasariaqarput siullullutik nalilersuisut.
Inuit Ataqatigiit siulittaasuat Aningaasaqarnermullu Naalakkersuisoq Josef Motzfeldt taama oqarpoq.