Ilassinnissutit nakkutigineqarnerulissapput
Aatsitassanut Pisortaqarfimmi maleruaqqusat sukaterneqalerput, ilassinninnermut aningaasat atugassiat sukannernerusumik nakkutigineqalissallutik. Ilasseqatigiittoqassatillugu pinngitsoorani nalunaarutigineqartalissapput sumut atatillugu ilassinninnerunersoq kimillu peqataaffigineqarnersoq.
Pisortap korti sumiluunniit pisissutaasinnaasoq Eurocard kisivimmi akisussaaffigileraa ilanngullugu naalakkiutigigitsik, Naalakkersuisut siulittaasuat Hans Enoksen Inatsisartut Kukkunersiuinermut ataatsimiititaliaanut erseqqissaateqarpoq.
Aatsitassanut Pisortaqarfiup assersuutigalugu, ilasseqatigiinnerni kikkut sunalu pillugu neriniartarfimmi nereqataasimanerat nalunaarutigisarsimanngimmagu, sakkortuumik Kukkunersiuinermut ataatsimiititaliap isumaliutissiissumminni uparuaatigaa.
Aamma Eurocardip pisortap nammineq atugassaa suleqataasunit internettikkut pisinerni atorneqartarsimavoq.
Naalakkersuisut maanna erseqqissaatigaat, pisortap korti kisimi atorsinnaaleraa ilasseqatigiinninnissanullu atatillugu aningaasat sumorpiaq atorneqarneri ilanngullugu nalunaarutigineqartalissasoq.
