Ilaqutariit ukiorpassuarni naqqup iluani inuusut

Angut taassumalu meerarigunagai arfinillit 18-nit 25-nut ukiullit qularnanngitsumik piffissap naanissaa utaqqsimavaat.
Mange spørgsmål omkring familien er stadig uafklarede, og politiet har indledt en efterforskning, hvor "alle scenarier" undersøges.
Ilaqutariit nassaarineqartut pillugit apeqquterpassuit massakkut akineqarsinnaanngitsut suli amerlapput, politiillu paasiniaanertik aallartippaat. Assi © : Ritzau Scanpix
Allattoq Ritzau
oktobarip 15-at 2019 19:38
Nutserisoq Jaaku Lyberth

Hollandimi politiit ilaqutariit arfineq marluusut nunaannarmi illup naqqata iluani  ukiorpassuarni najugaqarsimasut nassaaraat.

Angut 58-nik ukiulik politiit nassaaaraat isumaqarpullu meeqqanut arfinilinnut 18-nit 25-nut ukiulinnut ataataasoq.

Angut 58-nik ukiulik politiinit tigusarineqarpoq, taannali meeqqanut ataataanersoq suli qulakkeerlugu paasineqanngilaq.

-Ilaqutariit nassaarineqartut inunnut allanut akuliunnatik inuusimapput.

Illumi nassaarineqarfianni ukiuni qulingiluani najugaqarsimapput. Meeqqat arlaqartut inunngorsimanerannik allattorsimasuutigineqanngillat, pisortallu allagaataanni nassaarineqarsinnaanatik, borgmesteri oqarpoq.

Ilaqutariit nassaarineqartut pillugit apeqquterpassuit massakkut akineqarsinnaanngitsut suli amerlapput, politiillu paasiniaanertik aallartippaat.

Hollandimi tveqarfimmi RTV Drenthemi ilaqutariit nassaarineqartut pillugit siulliullutik ilanngutassiortut oqarput, ilaqutariiit illumi avinngarusimasumi  najugaqarsimasut.

TV qarfimmiut aamma oqaluttuarput, ilaqutariit nassaarineqartut ilaasa inuinnik allanik inuusoqarnersoq ilisimasimanngikkaat.

Politiit misissuinertik aallartippat, angut 25-nik ukiulik taanna angajullersaagunartoq, sapaatiummat unnukkut nunaqarfiup imerniartarfianut isermat.

- Angut taanna takisuunik tukattunik nujaqarsimavoq atisanillu nutaanngitsorujussuarnik sivisuumik errorneqarsimanngitsunik atugaqarluni, taannalu oqaluttuarsimavoq ukiut qulingiluat kingulliit illumit anisimanani, imerniartarfimmik piginnittoq, TV-qarfimmut taama oqaluttuarsimavoq.

Angut 25-nik ukiulik imerniartarfimmik piginnittumut oqarsimavoq, massakkorluinnaq ikiorneqarnissaminik pisariaqartitsigami angerlarsimaffimminit qimaasariaqarsimalluni.

Politiit illumi misissuinerminni kælderimut majuartarfik skaavimmit asserneqarsimasoq nassaaraat, kælderimiittullu ataataq taassumalu meerarigunagai nassaarineqarput.