Ilaqutariit qitiutillugit ingerlassaagut
Meeqqanik sumiginnaaneq akiorluarneqassappat
ilaqutariit qitiutinneqartariaqartut Kommunit Kattuffiata siulittaasua Søren Alaufesen oqarpoq.
- Meeqqat atugarliornerannut akisussaassuneq, angajoq¬qaat pisortalluunniit – qimarratigisinnaanngilaat, KANUKOKA-p siulittaasua oqarpoq, nangipporlu:
- Kommunit kiisalu Namminersornerullutik Oqartussat, akisussaaffigaat angajoqqaat perorsaanerminni pitsaasunik sinaakkuteqartinnissaat. Taakkuuppullu iliuuseqartussat ataqatigiissaarisussallu ilaqutariinni ingerlanerliortoqalerpat, oqarpoq Kommunit Kattuffiata siulittaasua Søren Alaufesen.
Søren Alaufsen aamma isumaqarpoq Ilaqutariinnut Siunnersuisarfiit sulinerminni periarfissaat qaffarsartariaqartut kiisalu paasisat ilisimalikkallu allanut iluaqusiisussanngorlugit siammarterneqartalertariaqartut. Tv-kkut aallakaatitassiaq ”Kalaallit Nunaannit qimaaneq” takoreerlugu Søren Alaufesen ilaqutariit atugaasa pitsanngorsarnissaat pillugu oqallinnermut akuliuppoq.