Ilaqutariit meerartallit ikiorserneqartarnerat pillugu KANUKOKA isumasioqatigiisitsivoq
Meeqqat kaattut oqallisigineqaleruttortut Kalaallit Nunaanni Kommunit Kattuffiat, KANUKOKA, ullumikkut aallartittumik isumasioqatigiissitsivoq Qulequtarineqarpoq ”Ilaqutariit meerartallit ikiorserneqartarnerat”.
Allattoq Jaaku Lyberth
februaarip 26-at 2009 05:20
Isumasioqatigiinnermi Inatsisartut peqqussutaat marluk sammineqassapput, tassa pisortanit ikiorsiisarnermut aammalu meeqqanik inuusuttunillu ikiorsiisarnermut peqqussutit. - Paasisariaqarparput inatsisit tamakku pitsaasumik siunertaattut atorneqarnersut, KANUKOKA-p siulittaasua, Enok Sandgreen, oqarpoq. Soorlu kommunit ilaqutariinnut meerartalinnut siunnersuisarnerat pitsaanerusinnaanersoq nassuiarneqassaaq. Aamma pisortanit ikiorsiissutit ataanni meeqqamut ataatsimut tapiissutaasartoq qaffattariaqarnersoq aalajangerneqassalluni. Isumasioqatigiinnissaq Ilulissani pissaaq, ullumikkut aallartikkuni sapaatiuppat naammassissalluni.
