Kiassarnermut akit nutaat: Ilaqutariit kiassarnermut ukiumut 600 koruuninik sipaaruteqarsinnaasut
Nukissiorfiit kiassaanermut akigitinneqartunit Mega Watt-timemut - MWh-mut 30 koruuninik appaaniarnera, Inuussutissarsiornermut Nukissiuuteqarnermullu Naalakkersuisup Aqqalu Jerimiassenip akuersissutigaa.
Tamannalu uuliap akiata ukiormanna appariarneranit pissuteqarpoq.
Nukissiorfiit taama nittartakkaminni allaaserisaqarput.
Kiassarnermullu akikilliliineq septembarimut akiligassanut ilanngaatiginereersoq, Nukissiorfiit nalunaarutigaat.
AAMMA ATUARUK Ukiuni 25-ni erngup nukissiuteqarneq nalliuttorsiutigigaat
Kiassaanermut akigitinneqartut appasinnerit kingunerissavaat, ilaqutariinnut inersimasunut marlunnut marlunnillu qitornalinnut ukiumut 600 koruunit missaannik sipaaruteqalersinnaaneq.
Ungasianit kiassarnermut nalinginnaasumut kiisalu innaallagissamik kiassaanermut aalajangersimasumut akigitinneqartut MWh-mut 770 koruuninit 740 koruuninut appassapput, taamatullu kiassaanermut qaminneqarsinnaasumut akigitinneqartoq MWh-mut 710 koruuninit 680 kkoruuninut aamma appassalluni.