Ilaqutariit højskoleat angalaartoq innersuussutaavoq
Innersuussuteqarnermi ilaqutariinnik sanngiinnerusunik tapersersuillunilu siunnersuisartumik aammalu inunnik isumaginninnermik sulisunik ilitsersuisartumik pilersitsinissaat aqutsisoqatigiinnik taasanit naalakkersuisunut innersuussutigineqartut ilagaat.
- Nunaqarfinni isorliunerusunilu inunnik isumaginninnerup ikiorsiivigineqarnissaa assorsuaq pisariaqartinneqarpoq, Maliina Abelsen ippassaq tusagassiortunik katersortitsinermi ilaatigut oqarpoq.
Ilaqutariinnut højskole ilaqutariinnik sanngiinnerusunik siunnersuisassaaq kiisalu nunaqarfinni inunnik isumaginninnermi sulisunik ilitsersuisassalluni.
Aqutsisoqatigiinnik taasap naalakkersuisunut innersuussutaasa ilaat tassaapput meeqqanut siunnersuisoqatigiinnik pilersitsinissaq, isumaginninnermi akisussaaffik pillugu paasisitsiniaanerit, meeqqat kinguaassiuutimikkut atornerlunneqarsimasut katsorsartarfissaannik pilersitsinissaq, illoqarfinni nunaqarfinnilu tamarmiusuni meeqqat ornittagaannik pilersitsinissaq allarpassuillu, aqutsisoqatigiit naalakkersuisunut innersuussutaasa ilaat, isumaginninnermut naalakersuisup Maliina Abelsenip ippassaq tusagassiortunut katersortitsinermi saqqummiussaasa ilaagaat.
