Nuugaatsiamut unnussiuaarneq: Ilaqutariit eqqugaasut misigisaminnik oqaluttualersut
Tassaarsuup qaammatit pingasut matuma siorna Nuugaatsiaq eqqorpaa - innuttaasullu nunaqarfimminnit qimagussorneqarput. Innuttaasut amerlanerit Uummannami maanna najugaqarput.
Allattoq Inge S. Rasmussen
septembarip 27-at 2017 17:43
Nutserisoq Bikki P. Kleist
Tassaarsuaqarnerata kingunerisaanik qimagussorneqarsimasut ilaat ilaqutariit tassaarsuaqarnerani tamatumalu kingorna misigisimasaat pillugit Nuummi GU-p Aulaani arfininngornermi oktobarip 7-ani naapinneqarsinnaallutillu oqaluttuartinneqassapput.
Ilaqutariit Møller Jerimiassenikkut misigisimasatik pillugit Juaaka Lyberthimut oqaluttuassapput. Tamatuma aamma saniatigut nipilersortoqassaaq, qatanngutigiit Falk-Petersenikkut, erinarsoqatigiit Qissiakkut aamma Juaakap nipilersoqatigiivi appisimaassallutik.
Iserneq 50 kr-neqassaaq - aningaasat isertinneqartut Røde Korsip Uummannami immikkoortortarilerumaagaanut tunniunneqassapput.
Aaqqissuussineq kingusinnerusukkut aallakaatinneqartussatut KNR-TV-ip immiutissavaa.