Ilaqutariissuseq peqqissuserlu immikkoortinneqarput

Jørgen Wæver Johansenip naalakkersuisoqarfii naalakkersuisunngorlaamut Tommy Marømut tamaasa tunniunneqassanngitsut, naalakkersuisooqatigiit ullaaq ataatsimiinnerminni aalajangiuppaat.

Namminersornermut, inatsisinik atortitsinermut aatsitassanullu naalakkersuisoqarfik Tommy Marøp akisussaaffigilissagai ippassarli kalerriunneqaraluarpoq, tamannali ullumi nalunaaqutaq ulloqeqqata siorna aallannguuteqarpoq. Naalakkersuisut siulittaasuat Hans Enoksen oqarpoq, naalakkersuisooqatigiit ullaaq taama isumaqatigiissuteqarsimasut.

Peqqissutsimut ilaqutariissutsimullu naalakkersuisoqarfiit annertoorujussuupput, Asii Chemnitz Narupillu suliarisinnaasimammagit Hans Enoksenip qujassutigaa.

Asii Chemnitz Narup suliaminik oqilisaanneqarnissaminik kissaateqarsimavoq.

Akisussaaffiup oqimaatsup nalilersornissaa pisariaqalersimanerarpaa, Kommunit assigiinngitsut inatsisartullu isumaginninnermut ataatsimiititaliaata oqartussaaffiit avinneqarnissaannik kissaateqarnerat naapertorlugu naalakkersuisuni isumaqatigiittumik taama aalajangiisimanerarput.

Naalakkersuisut siulittaasuata Hans Enoksenip ilanngullugit oqartussaaffigilerpai Namminersornermut aatsitassanullu tunngasut.

Johan Lund Olsenip naalaakkersuisoqarfianut imermik sermimillu tunisassiorneq nuunneqarpoq. Tommy Marøilaqutariissutsimut inatsisinullu atortitsinermut naalakkersuisunngorpoq.