Ilaqutariinnut tamanut juullimi isiginnaagassiaq
"Sanasoq nissiararlu" juullimut isiginnaagassiap taaguutigaa, taannalu Nunatta Isiginnaartitsisarfiata 2012-imi takuteqqaarpaa.
Isiginnaagassiaq taamani inersimasunti meeqqanillu nuannarineqaqimmat maanna takuteqqinneqartussanngorpoq. Tamatumuuna isiginnaartitseqataassallutik isiginnaartitsisartunngorniat sisamat, tassaasut Kimmernaq Kjeldsen, Ane Marie Ottosen, Najattaajaraq Joelsen aamma Connie Kristoffersen isiginnaartitseqataassallutillu Miké Fencker Thomsen, Makka Kleist aamma isiginnaartitsisarfiup pisortaa Svenn B. Syrin.
Norgemiut oqaluttuaat ukiunik 100-nik pisoqaassuseqartoq
"Sanasoq nissiararlu" Norgemiumit atuakkiortumit Alf Prøysenimit ukiut 100-t matuma siornagut allanneqaqqaarpoq.
1900-kkut ingerlaneranni ullorlu manna tikillugu Norgemi isiginnaartitsisarfinni, radiumi tv-milu takutinneqartuartarluni. Norgemiumullu meeqqamut "Sanasoq nissiararlu" isiginnaarsimanngikkaanni juulli iluamik misigineqarnavianngilaq.
Isiginnaartitsisarfiup pisortaata Norgemiuusup Svenn Syrinip oqaatigaa, oqaluttuaq inuppalaartuusoq taanna kikkunnit tamanit nuannarineqartuusoq, aamma nammineq 50-ikkunni meeraanermi nalaani.
Isiginnaartitsissut Nunatta Isignnaartitsisarfiata isiginnaartitsisarfiani nutaami Nuummi Industrivejimiittumi sapaatip akunnerisa naanerini tulliuttuni, tassa decembarip arfernanni arfineq aappaannilu aamma decembarip 13-ianni 14-iannilu ualikkut pingasunit isiginnaartitsissutigineqartassaaq.
