Ilaqutariinnut sullissivinnut immikkut aningaasaliisoqartoq
Ilaqutariinnut sullissiviit 2017-imi tapiiffigineqarnissaannut immikkut 3 milliuunit koruuninik immikkoortitsisoqartussanngorpoq, tamatumunnga atatillugu Naalakkersuisut Inatsisartut Aningaasaqarnermut
Akileraartarnermullu Ataatsimiititaliaanut qinnuteqarput, immikkullu aningaasaliinissaq akuersissutigineqarluni.
Nuna tamakkerlugu ilaqutariinnut sullissiviit 16-it maanna ingerlanneqarput, taakkunanilu siunertarineqarpoq meeqqanut atugarliortunut ilaqutaannullu siusissukkut aallartittumik suliniutinik pinaveersaartitsiffiusunik qulakkeerinninnissaq.
Taamaalillutik ilaqutariinnut sullissiviit kommuninit ingerlanneqartut tapiiffigineqarnissamik Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfimmut qinnuteqarnissamut periarfissaqalerput.
Immikkut aningaasaliisoqarneratigut ilaatigut ilaqutariit atugarliortut katsorsarneqarsinnaanerat periarfissaalissaaq.
- Meeqqanut inuusuttunullu, taakkualu ilaqutaannut atugarliortunut pinaveersaartitsiffiusunik tamakkiisumillu isiginnilluni suliniuteqartarneq, ilaqutariinnut sullisivinni taama pingaartinneqartigimmat takusinnaallugu nuannerpoq, Isumaginninnermut Ilaqutariinnullu Naalakkersuisoq Sara Olsvig oqarpoq.