Ilaqutariinnut pissakinnerusunut aaqqissuussinernut 365.000 koruunit agguaanneqartut

Ilaqutariinnermut Naligiisitaanermut Isumaginninnermullu Naalakkersuisoqarfik, juullimut atatillugu ilaqutariinnut pissakinnerusunut, aaqqissuussinernut assigiinngitsunut 365.000 koruuninik tapiissuteqarpoq.

Allattoq Jonas Fievé

decembarip 18-at 2015 07:24

Nutserisoq Kerté Jeremiassen

Kommunit qinnuteqartut ilaatigut soorlu, Qaanaami puussianik nerisassanik qerisunik imalinnik, ilaqutariinnut 30 - 35-nut atorneqarput. Qeqertarsuarmi meeqqanut 270-inut juullerpalaartitsinissamut aamma tapiisoqarpoq. Ilaqutariit pissakinnerusut eqqarsaatiginerullugit aaqqissuussanut assigiinngitsunut tapiissutit tassani atorneqassapput.

Aamma atuaruk KRK juullimi ikiuutissanik aatsaat taama agguaassitigaaq

Ilaqutariinnermut, Naligiisitaanermut Isumaginninnermullu naalakkersuisup tamanna peqqutissaqarluarnerarpaa.

- Juulli tamatsinnut pingaarutilerujussuuvoq. Taamaattumik nuna tamakkerlugu, pisariaqartitsisunut, juullimut ukiormanna tapeeqqissinnaagatta nuannaarutissaavoq. Tamanna inuttut kialaarnarpoq, Martha Lund Olsen tusagassiutinut nalunaarummini taama ilaatigut allaaserisaqarpoq.