Ilaqutariinnut pisiniartarfitsialak

Ilaqutariit illumit ataatsimit aninatik pisiniarfinnut assigiinngitsorpaasuarnut isersinaammata, piniasiarfiutillip iluaqutaassangatippaa. Atuisussamillu tamanarpiaq aamma iluaqutissatut isigaa:

- Iseqqaarlugu angisoorujussuuvoq. Pisiniarfissuarpoq iseruminartunik. Suliagaalluarpoq. Biilersimaguma aninnguarnanga pisiniarsinnaavunga, Nuuk Centerimut pernaammik isertut ilaat Aqqalu Huch taama oqarpoq.

Pisiniarfeqarfissuaq Nuuk Center 12.000 kvadratmeterisut angitigisoq quleriinni marlunni inissisimavoq, niuertarfiit neriniartarfiillu 24-it tassaniipput.

Tassaniittullu ilagaat atisaarniarfik nutaaq Suustu. Piginnittup Enok Skiftep aamma pisiniarfippassuit ataatsimoornerat niuffannermut iluaqutaassangatippaa.

- Maani pisiniarfippasuit assigiinngitsuummata pisiniartut aneqqaaratik eqqissiivillutik pisiniartarsinnaapput. Aamma perlilerunik neriniartarfiit ilaanni neriinnarsinnaallutik. Manna nuannersupilussuuvoq, Enok Skifte oqarpoq.

Illorsuup sanaartorneqarnissaanut pilersaarut 2005-imili aallartippoq, sanaartoqarnissaanut  nivaatamik nivanneq siulleq pivoq 2010-mi.

Nuuk Centerip naqqani biilinut inissiisarfeqassaaq, tassalu pisiniat biilinit niugunik niuertarfinnut iseriiannaassallutik. Qummukaqaannilu, Pisiniarfeqarfissuarmi neriniartarfiit pingaasuupput , taakkualu Aqqalu Huchip ilaqutaasalu iluaqutigissavaat.

- Ilaqutaariulluta aninnguarata aamma maani nerisinnaavugut.

Nuuk Centerimi niuertarfiit saniatigut, Namminersorlutik Oqartussat allafii illorsuarmiissapput, allafeqarfiit 7.000 kvadratmeterisut angitigisumi inissisimassapput.