Ilaqutariinnermut politikki nutaaq

Ilaqutariinnermut pisortaqarfik ilaqutariit atugarisaasa pillugit misissuisitseqqammerpoq. Misissuisitsinermi ilaatigut ineqarneq misissorneqarpoq, inuillu peqqissusaat aamma misissorneqarluni.

Misissuisitsineq taaneqarsimavoq Ilaqutariit Inuuniarnerminni Atugarisaat 2004, naqitanngorlugulu ullumi saqqummiunneqarpoq. Kalaallit Nunaanni ilaqutariit qanoq atugaqarnersut misissuisitsinerup saqqummersinniarpaa. Nakuuserniartarnerit kinguaassiutitigullu atornerluisarnerit nunatsinni amerlaqisut saqqummersitami atuarneqarsinnaavoq. Pinerliinerillu taakku amerlassusaat Danmarkimut Savalimmiunullu sanilliutissagaanni amerlaqisut atuarneqarsinnaavortaaq. Kommunini ataasiakkaani meeqqat inuusuttullu pinngitsaaliinikkut qimagutitinneqarsimasut qassiuneri misissuisitsisimanerup takutippaa. Saqqummiunnertulli ajortutuinnaq nalilerneqarsinnaanngillat. Assersuutigalugu takuneqarsinnaavoq imminortarnerit ikiliartorsimasut. Imminortarnerit annertuumik ikiliartorsimapput ukiut 20-t ingerlanerini. Ataatsimulli isigalugu misissuisutsisimaneq oqittuinnarnik saqqummiussinngilaq. Ilaqutariinnermut Naalakkersuisup, Asii Chemnitz Narupip, oqaatigaa misissuisitsinermi qulakkeerneqartut uissuumminarsinaasut. Eqqarsaatigilluagassanillu aamma imaqarpoq, naalakkersuisoq oqarpoq. Ilaqutariinnermut Naalakkersuisup 2005-imi ilaqutariinnermut politikki nutaaq saqqummiunnialersaarpaa.

Misissuisitsisimanerlu tunuliaqataralugu politikki nutaaq pilersinniarneqarpoq.