Ilaqutariinnermut naalakkersuisoq nassuiaateqartussanngorpoq
Ammassallip Kommuneani meeqqat angerlarsimaffiup avataanut inissinneqartartut amerliartuinnarnerat, sumiginnaasarnerup millisarneqarnissaanik paasisitsiniaanissamik Naalakkersuisut siunertaasa paasineqarsimannginnerannik takussutissiisoq, Inatsisartut Ilaqutariinnermut ataatsimiititaliaani ilaasortaq Inuit Ataqatigiinneersoq Agathe Fontain isumaqarpoq.
- Taamaattumik Ilaqutariinnermut Naalakkersuisup Tommy Marøp ilaqutariinnermut ataatsimiititaliamut nassuiaateqarnissaa kissaatigissavara, Agathe Fontain oqarpoq.
Agathe Fontain aamma oqarpoq, naalakkersuisunit periutsip maanna atorneqartup siunertani malinneraa, periuseq allanngortittariaqassanersoq imaluunnit peqqutaasinnaasunik uniuisoqarsimassappat aamma paaserusunnassasoq.
- Angerlarsimaffiup avataanut inissiisarnerit ikilisinneqarnissaat siunertaavoq. Angajoqqaat sumiginnaalersut siusinaarluni paasineqartariaqarput iliuuseqarfigineqarlutillu. Taamaalilluni meeqqat angerlarsimaffimmiiginnaraluartut angajoqqaat meeqqaminnut sumiginnaanerat unitsinniarneqassammat. Agathe Fontain tunngavilersuivoq.
Ammassallip Kommuneani meeqqat 2005-imi katillugit 154-it angerlarsimaffiup avataanut inissinneqarput, 2006-imili angerlarsimaffiup avataanut inissinneqartut amerlanerupput 201-iusimallutik.
