Ilaqutariinnermut Inatsisiseqarnermullu naalakkersuisunngortoq inuiaqatigiinni sullissinissamut piareeqqanerarpoq

Ilaqutariinnermut Inatsiseqarnermullu naalakkersuisutut toqqarneqaqaammersoq 40 -inik ukiulik Aleqa Hammond

politikkikkut sulinermik misilittagaqanngikkaluarluni sulerusuususeqarluarpoq.

Aleqa Hammond-ip Siumut sinnerlugu inatsisartunut qinigaasoq inuiaqatigiinni pisutsinik malinnaasuunini naalakkersuisutut sulileruni iluaqutigissangavai.

-Inuiaqatigiinnut tunniussinnaasakka tassaapput sulerusuususera taavalu sulisarninni assigiinngitsitigut misilitakkakka, Aleqa Hammond oqarpoq.

Aleqa Hammond-ip inuit tatiginnillutik imminut qinersiimasut aamma tunualiaqutarinerarpai.

- Minnerunngitsumillu inuiaqatigiinni assigiinngitsunik malinnaajuannarnikkut aammalu immikkoortortaqarfitsinni Siumuni suleqataasarpunga aammalumi sapiissuseqarluni sassarsinnaagaanni pisariaqanngilaq poltikkereerujussuarnikuunissaq, Aleqa Hammond oqarpoq.

Aleqa Hammond Ilaqutariinnermut Inatsiseqarnermullu Naalakkersuisutut toqqarneqarnissi tikillugu Qaqortumi takornariaqarnermut tunngasunik suliaqarpoq.

Aleqa Hammond aamma oqarpoq sulileruni sapinngisamik partiit pingasuusut naalakkersuisunngoqatigiinnerminni isumaqatigiissutaat piviusunngortinniarsarinissaa anguniarniarini.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat