Ilaqutariinneq utoqqaat peqatigiit nukittorsarniarpaat
- Siulersuisuunerit naapeqqaaratta aalajangiussimavarput taannaqa qulequtaq qulequtsiunniarlugu. Meeqqat Angajoqqaat utoqqaallu. Ilaqutariit imminnut ungasilliartuaartut malunnarami, Else-Lea Olsen oqarpoq.
Qulequtaritinneqartup toqqarneqarneranut peqqutaavoq Nunatsinni utoqqaat ilaqutaasalu avissaariartortarneri takussaaleraluttuinnarmat.
- Utoqqaat ilaqarput utoqqaat illuanni najugaqartut ilaquttaminni qaqutigorujussuaq pulaarneqartartut. Soorunami kipilertarput.
Naak utoqqaliartoraluarluni suli ikioqatigiissinnaaneq ilaqutariinnut ataqatigiilersitsisartoq Else-Lea Olsen isumaqarpoq.
- Maannakkut utoqqanngortugut suleqataarusukkatta meeqqanut taavalu angajoqqaanut arlaatigut ikiuussinnaalluta, Kattuffimi Utoqqaat Nipaanni siulittaasoq Else-Lea Olsen taama oqarpoq
