Ilaqutariinneq ataatsimeersuassutigineqarpoq

Katuami ilaqutariinnerup ataatsimeersuassutiginera ulluni pingasuni ingerlasussaq ullaaq ammarneqarpoq. Ukiuni qulini ilaqutariinnermut tunngasunik ukiorititani ukioq manna aallartittumi ilaqutariinnermut naalakkersuisup Asii Ch. Narup suliniutimi pingajussaat piviusunngortippaa.

Pisortat innuttaasunut sullissinerisa, ilaqutariit, meeqqallu akornini pitsaanerusumik attaveqaqatigiinnissamik pitsanngorsaatissanik ujartuineq siunertarineqarpoq. Ilaqutariit meerartallit siunissami sullinniarneranni peqataasut ilaqutariinermut isiginninnermut, paasinninnermut ileqqorissaarnissamillu toqqammavissanik oqaloqatigiinnikkut ujartuissapput.

Ukiuni qulini ingerlasussami ilaqutariinnut tunngatitanik suliniutinik aallarniilluni Asii Ch. Narup-ip oktobarip aallaqqaataani Naalagaaffiit Peqatigiit utoqqarnut ullorititaanni suliniut siulleq aallarnerpaa. Novemberillu aappaani sulisitsisut sulisullu suliffigisani inuttut akisussaaqatigiinneq pillugu ullorititaq aallarnerpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat