Ikiaroornartumik 2019-imi 97-eriarluni arsaarinnissuteqartoqarpoq, taakkualu 39 kiiluupput.Assi: KNR

Ilanngaaserisut ikiaroornartumik arsaarinnissuteqarnerusimasut

2019-imi anngiortumik eqqusseriaraluarsimasut siornamit ilungersuanerupput. Ilanngaaserisummi aningaasanik ikiaroornartunillu arsaarinnissuteqarnerusimapput.

Ikiaroornartut aningaasallu nunatsinni ilanngaaserisunit arsaarinnissutigineqartartut amerliartorput.

Aningaasaqarnermut naalakkersuisoqarfiup § 37 naapertorlugu apeqqummut akissutaani tamanna erserpoq.

Ikiaroornartumik 2019-imi 97-eriarluni arsaarinnissuteqartoqarpoq, taakkualu 39 kiiluupput. 2018-imilu arsaarinnissutigineqartunit 1,3 kiilumik oqimaannerupput.

Umiarsuit nakkutilliivigineqartut amerlisut

Aningaasallu nunatsinnit anngiortumik anniseriarneqaraluartut malunnartumik amerlipput. 6,6 millionit koruunimmi 2019-imi arsaarinnissutigineqarput, taakkualu ukiup siulianit 4 millionit koruuninik amerlanerupput.

Ilanngaaserisut umiarsuakkut timmisartukkullu nassiussanik misissuisarput, ingammillu umiarsuit nakkutilliivigisartagaat amerlillutik.

Ilanngaaserisut umiarsuit 2018-imi nakkutilliivigisimasaat tallimaapput, 2019-imilu 22-ullutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat