Ilagiit sinniisaannut qinersinissat eqqaamajuk
Kommuninut aqagu qinersinissap saniatigut ilagiit sinniisaannut qinersisoqassaaq.
Allattoq Louise M. Kleemann
Ilagiit sinniisaannut qinersiniaruit ilagiinnut ilaasortaanissat piumasaqaataavoq.
Pappiaraq qinersivissaq qinersiviusumi tunniunneqarumaarpoq, qinikkallu pappiaqqamut tunniunneqartumut allassavat. Qinigassanngortittut aqqi qinersivimmi takuneqarsinnaassapput, ataasiinnarmillu qinersisussaagavit eqqaamassavat.
Ilagiit sinniisaannut qinersinermut atatillugu illoqarfinni tamani qinersisoqassanngilaq, tassami qinigassanngortittut ilagiillu sinniisaanni ilaasortat amerlassusissaat assigiippata qinersinissaq pisariaqassanngimmat.