Ilaasut nassiussallu ukiortaartinnagu anngunniarneqarput
Nutartigaq: Kitaani anorersuarnerata kinguneranik maanna ilaasussat 800-t ingerlaqqinneq ajuleqqapput. Taamaattumik Nunatta Danmarkillu akornanni sinerissamilu pingasunngornermi immikkut ittunik, timmisartuussinissanik Air Greenland pilersaaruteqarpoq.
Allattoq Elisa Isaksen
Danmarkip Nunattalu akornanni sisamanngornermi immikkut ittumik timmisartuussisoqarniarpoq, taamaalilluni ukiutoqarsiornissaq sioqqullugu ilaasut ornitaminnut apuunneqarsinnaaniassammata.
Københavnimiit sisamanngorpat ilaasussat iteriartariaqassapput, tassami arfineq-pingasunut qiteqqutiinnartoq Kastrupimit aallarnissaq pilersaarutaammat.
Air Greenlandimit oqaatigineqarpoq, taama siusitsigisukkut aallartoqarniartoq, taamaaliluni nioqqutissat 9 tonsit pisiniarfinnukartut ilaasullu kingulliit Nunatsinni Danmarkimilu ukiutoqarsiornissaq sioqqullugu anngussinnaaniassammata.