Ilaasussat utaqqikatavipput

Air Greenlandip Atlantiku ikaarlugu timmisartuianut ilaasussaagaluit aallarnissaminnut utaqqikatalivipput. Nunatsinni angalanissaat sulinissaallu eqqorneqarpoq. Københavnip timmisartoqarfissuata aallartussanut utaqqisarfiani ullut aappassaa aallarnissartik utaqqivaat. Jens Mølgaard Qeqertarsualiartussaq ima oqarpoq:
aggustip 29-at 2007 12:18

-Nuannerpallaanngilaq, qasunalaarpoq. Ippassaq eqqarsaatigalugu aatsaat unnukkut Lalandiamut Lolland Falsterimiittumut akunnerit marluk busseqqaarluta innariartortippaatigut. Tikippugut aliikkutassat tamarmik matusut. Neriinnariarluta innariartorpugut, ullaassaq tallimanut tanneq qulingiluanngortoq, bussinik ingerlaqqittussaagatta. Ullaaq tamaanga (Kastrupimi mittarfimmut) pivugut, Jens Mølgaard oqarpoq.

- Busseqattaarnermut qasunarpoq, allatut ajornartumik issiavinni inoqanngitsuni qasuersaartariaqartarpugut aamma. - Nuliara suliffini sulilerfigisussaagaluarpaa, kisianni kinguaattoorpugut. Ilulissaninngaanniit Najaaraq Ittuk-mut ilaalluta ullumikkut ingerlaqqittussaagaluarpugut, naluara Air Greenlandip tamanna qanoq iliuuseqarfigissaneraa, Jens Mølgaard oqarpoq.

Otto Steenholdt Danmarkimi najugaqartoq nunatsinni umiartsiarnissani ukioq naallugu qilanaarisimavaa.

Maannali utaqqikalivissimavoq:

-Utaqqikatannaqaaq, nerisassatsinnut akiliukkaluarpaatigut ullaakkorsiutinut 50 koruunit ullup qeqqasiornissatsinnut 60 koruunit, inuuppulli maani timmisartoqarfimmi akisugamik, akiitsortingaatsiarpaatigut. Assorsuaq qasunarpoq, Otto Steenholdt oqarpoq.