Ilaasunik angallassineq qulakkeerneqarpoq

Umiarsuaatileqatigiiffiup amigartooruteqarluni ingerlasup ilaasunik angallassiinnarnissaa qulakkeerniarlugu Naalakkersuisut aningaasaliipput.

Umiarsuaatileqatigiiffiup umiarsuaasa ingerlaannaarnissaannut ukioq 2011-p naanissaata tungaanut qulakkeerinnillutik Kuupik Kleist oqarpoq.

- Ingerlatseqatigiiffiup ukioq 2010-mi 2011-milu ingerlatsinissaanut aningaasaliiniarpugut, Naalakkersuisut siulittaasuat Kuupik Kleist Nuuk TV-imi apersorneqarluni taamatut oqarpoq.

Arctic Umiaq Line aggustip qaamaataata naalernerata tungaanut ukiullu sinneranut 6 millionit koruninik pisariaqartitsisoq, Sulilu aappaagu 11-12 millioner koruuninik amigaateqartoq, Arctic Umiaq Linep pisortaa Jette Larsen oqarpoq.

Aningaasanik 11-12 millonit koruuninik Naalakkersuisut Arctic Umiaq Line-mut aningaasaliiniarnersut Kuupik Kleistip oqaatigiumanngilaa, Arctic Umiaq Line pillugu isumaqatiginniarnerit naammassinissaat utaqqiniaramikku.

Sinerissami umiarsuartigut ilaasunik angallassisarneq angallannermut ataatsimiitaliarsuup sulinermini ilanngullugu suliara.

Angallanermut Ataatsimiititaliarsuup suliami naammassineqarnissaa ukiup naanissaata tungaannut kinguartippaa.

Ataatsimiititaliarsuup innersuussutai, Naalakkersuisut upernaaru 2011-mi oqallisigissagai, Kuupik Kleist Nuuk TV-imi apersorneqarluni oqarpoq.