Ilaassinninnermut aningaasartuutit politiit misissuiffigilerpaat

Ilassinninnermut aningaasanik atuivallaartarsimanerit pillugit nunatsinni politiit misissuilerput.

Politiit suliamik misissuilernerat namminnerisaminnik ingerlannialeraat politimesteri anders Linnet oqarpoq. Misissuilerneq aallaaveqarpoq kukkunersiuisut Deloitte-ip siusinnerusukkut Naalakkersuisuusimasup Jens Napaattuup aammalu Rasmus Frederiksen-ip ilassinninnermut aningaasartuutigisimasaanik misissuisoqareersorlu.

- Ilassinninnermut aningaasartuutaasimasut pillugit misissuisoqarnerani inerniliunneqarsimavoq atornerluisoqarsimasoq, taamaammallu aalajangersimavugut misissuineq aallartinneqassasoq, paasiniarlugu pinerluttoqarsimanersoq, politimesteri Anders Linnet oqarpoq.

Aallaqqaammut politiit Namminersornerullutik oqartussanut pappialat paasissutissaasut piniarsimavaat, Anders Linnet-lu oqarpoq suliaq aallartittoq qanoq inerneqarumaarnersoq massakkuugallartoq oqaatigineqarsinnaanngitsoq. Pasillutigineqartulli tassaapput atorfimmik atornerluisimasinnaaneq piginnaatitaanermilluunniit atornerluisimaneq. Taamatut pasillerneq, Danmarkimi politikerit ilaata Peter Brixtofte-p iliuuserisimasaanut pasillersimaneq assinguvoq.

Aalisarnermut naalakkersuisutut tunuaqqammisoq Rasmus Frederiksen, politiit misissuinialernerat tupigusuutigaa.

- Soorunami tupaallannalaarpoq, kisianni politiit taamaasiornialernera pitsaasutut isigivara, misissuinerallu ajoriffissaqartinnagu, maannakkullu aamma advokatit misissuipput, aamma taakkua misissuinera utaqqivara.

Taama oqarpoq aalisarnermut naalakkersuisuusimasoq Rasmus Frederiksen.

Suliaq politimestereqarfimminngaanniit aallartinneqartoq pillugu maanna bagmandspolitiit suleqatiserineqalersut politimesteri Anders Linnet oqarpoq.

- Misissuinissami ikiorneqarnissarput pisariaqarmat, bagmandspolitiit ikiortiserisimavagut. Taakkua inatsisinut tunngasut ilisimasaqarfigineruaat, taamaammat bagmandspolitiit ikiortiserineqarnissaat pisariaqarsimavoq, politimesteri Anders Linnet oqarpoq.

Naalakkersuisut siulittaasut Hans Enoksen oqarpoq pinerluttoqarsimanngimmat, politimestereqarfiup misissuinialernera ernumanartoqanngitsoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat