Ilaasartaatinut billitsit akikinnerit ikinnerulissapput

Destination Disko pillugu Arctic Travel Group-ip pisortaata Søren Andersenip Ilulissani ippassaq unnukkut saqqummiussinerani paasinarsivoq, Arctic Travel Group upernaaru apriili naappat sinersorluni aallartikkuni illoqarfiit ilaat tikinngitsuuginnassanngikkai kisianni aamma akissarsiakinnerit eqqugaanerpaassasut, tassami Arctic Travel Groupip anguniarmagu billetsit akikitsut atorunnaarsinneqarnissaat. Sarpik Ittuk massakkut allanngorsarneqalereerpoq, sinerissamilu upernaaru angalaleruni immikkut initalinniinnaq neqerooruteqarsinnaalersimassaaq, nuimanerusumillu neriniartarfittaarsimassalluni. Sarpik Ittuk nuimanerinnarnik taamaalilluni ilaasoqartalissaaq. Sarfaq Ittuk akikitsunik billitsinik aasaru suli neqerooruteqarsinnaassaaq, ukiorli naalerpat iluarsartorneqalerpat init akikinnerit pissarsiassaajunnaassapput. Billitsit akikinnerit ukioq 2006 naappat taamaalilluni oqaluttuaannanngorsimassapput.Inatsisartut aalajangiinerat malillugu, ilinniartitaanermut akissaqarnerulernissaq anguniarlugu, sineriak tamakkerlugu umiarsuarsinnaaneq sipaarutigineqarpoq - innuttaasullu amerlaqisut akissaqartinngisaat kisimi siunissami aallunneqalissaaq - tassalu timmisartukkut angallanneq.