Ikummatissat akitsorput
Ikummatissat akii liiterimut 58 øremik ullumimiit qaffanneqartut, Polaroilimit tusagassiuutinut nalunaarutigineqarpoq.
Nunarsuatsinni uuliap akiisa qaffariarnerannik pissuteqartumik, akit qaffariaateqartariaqalersut, ikummatissanik pilersuiviup nalunaarutigaa.
Solaari liiterimut 5 koruuni 57 øreqaraluartoq ullumikkumiit 6 koruuni 15 øreqalerpoq.
Tamatuma asserpiaanik benziina liiterimut 5 koruuni 57 øreqaraluartoq 6 koruuni 15 øreqalerpoq.
Petruuliu liiterimut 5 koruuni 67 øreqaraluartoq, 6 koruuni 25 øreqalerpoq.
2011-mi juulip arfineq pingajuanni kingullermik akinik qaffaasoqarpoq, ikummatissat akii taamanikkut liiterimut 1 koruuni 10 øremik qaffanneqaramik.