Ikummatissat akitsoqqinnerat KNAPK-mit kamaatigineqaqisoq

KNAPK-p siulittaasuata Peter Olsen-ip nunatsinni ikummatissat akiisa qaffaqqinnerat kamassutigeqaa.

Peter Olsen-ilu isumaqarpoq, benzinap petroliullu akii liiterimut 40 oorimik ippassaq qaffanneqarmata qaffaanerit aalisartunut piniartunullu sunniuteqarnerlorujussuassasut.

Benzina petroliulu liiterimut ippassamiit 3 kroner og 52 oorimik akeqalerpoq, akitsunngikkallarami 3 kroner 12 oorimik akeqaraluarluni.

KNAPK-p naalakkersuisunut inatsisartunullu ammasumik allagaqarnerminni piumasarivaat, aalisartut piniartullu ikummatissanut atortagaannut naalakkersuisut inatsisartullu tapiissuteqarnerulissasut.

Peter Olsen isumaqarpoq, KNAPK-mi ilaasortat ESU-mut akiitsullit, akiitsutik taarsersoruminaatsilissagaat, isumaqarporlu naalakkersuisut inatsisartullu tapiissuteqarnerulinngippata taarsersugassat isumakkeerutaasariaqartut.