Januarimmi aallaqqaataanit atuutilersumik Nunatsinni ikummatissat akii qaffasinnerpaaffeqalissapput. Tamanna isumaqarpoq, Nunatsinni ikummatissat akiisa inoqarfinni tamani assigiittussaatitaanerat atorunnaassasoq, ukiortaallu kingorna sumiiffinni ataasiakkaani namminersorlutik ikummatissaarniat benzinap, gasoliep aamma petroleup akii namminneerlutik aalajangersinnaalissavaat.
Taamaalilluni ikummatissaarniat namminersortut akit qaffasinnerpaaffimmiittut atuinnarsinnaavaat, akilluunniit apparsinnaallugit, taamaattorli akit qaffasinnerpaaffiat qummut qaangerlugu akeqartitsisinnaassanatik.
Akit KNI A/S-ip aalajangersartagai Nunatsinni tamarmi assigiiginnassapput, akillu taakku KNI A/S-imit aalajangerneqartut tassaassapput ikummatissat akiisa qaffasinnerpaaffissaat.