Ikumatitaq Mount Everestip qaavanut apuunneqarpoq
Beijing-imi OL-eqarnissaanut qaammatit pingasuinnanngortullu, qaqqasiortartut 31-t nunarsuarmi qaqqat portunersaannut 8.843 meterinik portussuseqartumut, nunatta nalunaaqutaa malillugu unnuaq aqqanernut qaqipput. Qaqqasiortartunit 31-usunit 22-t Tibetimiuupput. Inneq naneruarfimmut ikillugu qaqqat portunersaannut majuunneqarpoq, qaqqarsuullu qaavani ikumatitaq ikinneqarluni. Silap ajornera pissutigalugu qaqqasiortartut qummukarnerminni kinguaattoortarsimapput.
Mount Everest Himalayap qaqqarsuiniippoq, Tibetip Nepalillu killeqarfiisa akornanni. Ikumatitap majuunneqarnerani annertuumik isumannaallisaasoqarpoq. Ikumatitap nunarsuarmi angallanneqarnerani, illoqarfissuarni akerliussutsimik takutitsineqartarpoq, akerliussutsimillu takutitsisoqarnissaa pinngitsoortinniarlugu, Kinami pisortat annertuumik isumannaallissaasimapput. Kina-mi aqutsisut Tibet-imiunik naqisimanninnerat pillugu akerliussutsimik takutitsinerit nunani assigiiinngitsuni ingerlanneqarput.
