Ikumatitap ingerlanneqaannarnissaa isumaqatigiissutaavoq
Olympiadeqarnissaata tungaanut ikumatitap suni tamani angallanneqarfiani akerliussutsimik takutitseqattaarneq ataatsimiinnermi eqqartorneqarmat, ikumatitap pilersaarutaasutut ingerlanneqaannarnissaa isumaqatigiissutigineqarpoq, Kinamiulli suli isumannaallisaanerussapput.
Kinamiulli ikumatitap pilersaarutaasutut ingerlatiinnarnissaa iluarisimaarpaat isumannaallisaanerunissarlu anguniarlugu pilersaarutitik ullumi saqqummiullugit.
Suna tamaat sakkugalugu ikutitap Tibetimiit qaqqarsuup, Mount Everestip qaavanut ingerlanneqarnissaa isumagissallugu, Tibetimi Kinamiut qullersaatitaat oqarpoq.
Ikumatitaq aqagu Argentinami illoqarfimmut, Buenos Aires-imut tikiunneqassaaq, illoqarfiullu borgmesteriata politiit isumannaallisaasut 1.200-nik amerlissamaarpai. Akerliussutsimik takutitseqattaarnerit Tibetimiut anersaakkut qullersaata, Dalai Lamap tapersersornagit oqarpoq Kinamilu Olympiadeqarnissaa tapersersornerarlugu.
