Ikuallatsitsisimasoq 22-nik ukiulik suli qimaaqqavoq
Angut 22-nik ukiulik sapaatip akunnerani uani qimaasoq suli Nuummi politiinit ujaarineqarpoq.
Allattoq Kenneth Elkjær
marsip 22-at 2018 14:21
Niels Corneliusarsson ikuallatsitsisimasutut tigummigallarneqartoq marlunngormalli qimaammalli suli politiinit ujaarineqarpoq.
Sisamanngornermi ualigaa suli ujaarineqartoq politiinit nalunaarutigineqarpoq.
- Suli tigusarinngilarput, ujaarisupilussuullutigullu, Nuummi politiini vagtchefiusoq Jan Geisler oqarpoq.
Parnaarussaq 22-nik ukiullip allatigut pinerluuteqarnissaa politiinit ilimaginqanngilaq, taamaattorli:
- Pinerluutigisimasaali sakkortuvoq taamaattumillu tigummigallagaalluni, vagtchefiusoq oqarpoq.
Niels Corneliusarson suli Nuummiinnissaa Politiinit ilimagineqarpoq.
- Taamaakkaluartorli angut taanna qimaalluni aallariaannaasoq nalunngilarput, Jan Geisler oqarpoq.
Innuttaasut eqqummaarinnissaat taamaammat politiinit suli kaammattuutigineqarpoq. Niels Corneliusarson 22-nik ukioqarpoq, 190 – 195 centimeterinik angissuseqarpoq, pualanani salunnanilu. Kingullermik takuneqarmat qernertumik nasaasartalimmik tujuuloqarpoq tungujortunillu koorpoqarluni.
Ujaarineqartoq takugaanni, sumiiffialuunniit ilisimagaanni, taava Nuummi politiinut oqarasuaataanut 701448-mut siarngutigineqarsinnaavoq.