Maniitsumi inissiat ilaata arfininngormat ikuallassimanera, ilaqutariinnik aqqaneq-marlunnik eqquivoq.
Maniitsumi politiit oqarput, angutip 41-inikk ukiullip pujortakkani qaminnagu sinilersoorsimanera ikuallattoqarneranut pissutaavoq.
Inissiani ikuallaffiusuni ineqartut ilaqutariit arfinillit sivisuumik inissaarukkallarnerannik kinguneqarpoq. Inissiat ikuallassimasut iluarsartuunneqarnissaat millionit missaannik naleqassasoq, Maniitsumi A/S INI-mi aningaasaqarnermut immikkoortortaqarfimmi ataqatigiissaarisoq Dorthe Olsen oqarpoq.
- Namminersornerullutik Oqartussat sillimmasiisimanerat naapertorlugu aserorsimasut suliarineqassapput. Tamannalu naatsorsuutigineqarpoq millionit missaannik akeqassaaq.
Inuit eqqugaasut ilaqutariit arfinillit sivisunerpaamik qaammatini arfinilinni vakantinut inissikkallarneqassapput.
Ilaqutariinni taakkunannga aqqaneq-marluusuni marluinnaat pigisaminnik sillimmasiisimapput, taamatullu sillimmasiisarneq akisuutut taaneqarsinnaanngilaq.
Maniitsumi A/S INI-p immikkoortortaqarfianeersoq Dorthe Olsen taama oqarpoq.
Unnugu Aasaanerani nalaatavut arfineq-pingasut qeqqanut aallakaatinneqalerpat, Maniitsumi ikuallattoorsimanermut tunngatillugu Maniitsumi innuttaasut aningaasanik katersuiniussinerat tusagaqarfigiumaarparsi.