Ikuallannissaq Maniitsumi pinngitsoortippaat
Maniitsumi sapaammi ullaakkut qatserisartut, politiit ambullance-llu ornigutsinnearput. Qujanartumilli qatserisartut ilissiami ikuallaleraluarneq unitsippaat.
- Inissiami najugaqartut naneruutit qaminnagit anisimapput. Nalaatsornerinnakkut saneqquttup qatserisartut kalerrisaapallassimaavai. Saagut ikuallaleraluarsimapput, Maniitsumi politeeqarfimmi ulluinnarni aqutsisoq Niels Tønnesen KNR-mut oqarpoq.
Inissiami najugaqartut aammalumi inissiap sinnerani najugallit iluatsitsipput nalaatsornerinnakkut saneqquttup ikuallanneq aallartilersoq takullugu qatserisartut kalerrisaarmagit, tassani najugallit angerlarsimanngitsut.