Ikuallannerup kingorna ilaqutariit inissikkallarneqarput
Nuummi Qinngutsinni inissiaq tallimanngornermi ullaatungaa ikuallappoq. Tamanna pissutigalugu inissiami ilaqutariit najugaqartut inissinneqarallarfigisaminni ukiortaarsiortussanngussallutik. Taama paasissutissiivoq Kommuneqarfik Sermersuumi qatseriartut ittuat, Knud Petersen.
- Inissiaq ikuallattoq ineqartunit pigineqarmat, sillimmasiisarfik aqqutigalugu ilaqutariit inissikkallarneqartussanngorput. Inissiaq manna imeqaranilu innaallagiaqanngilaq, Knud Petersen oqaluttuarpoq.
AAMMA ATUARUK Nuummi Qinngutsinni inissiaq ikuallappoq
Taassumali oqaluttuarisinnaannginenrarpaa ilaqutariit sumut inissinneqarallassanersut.
Inissiami najugaqartut qassit ikuallattoqarneratigut putsumik ajoqusersimanersut, KNR-imiit nalunaaqutaq marlup qeqqata missaani paasiniaanitsinni paasisaqanngilagut.