Ikuallannermit siaruatsaaliiffiit nunap ikuallanneranut siaruatsaaliutaassasut

Avannaani oqartussat nunap ikuallannerata kujammut avammullu siaruutinnginnissaa sulissutiginiarlugu ikuallannermit siaruatsaaliiffiliornialerput. Atuagassiap Ingeniørenip nittartagaani tamanna allaaserineqarpoq.

Nunap tiffasissumi ikuallannera pissutaalluni qaminniarnissaa ilaatigut ajornakusoorsimavoq, imermimmi pissarsiniarnissaq taama tiffasitsigisumi ajornakusoorsinnaasoq Ingeniørenip allaaseraa.

Upalungaarsimasut qatserisartullu ikuallattoortoqartillugu naammattunik atortoqanngillat, assersuutigalugu imermik taama tiffasitsigisumut maqitsisinnaanatik. Ingeniøren taama allaaserisaqarpoq.

Ikuallannermit siaruatsaaliiffiit tassaapput nunaminertat, naasunik orpigaminernillu ikuallajasuiakkat. Ikuallannermit siaruatsaaliiffiit  unngersatut iilusileneqakkajupput.

Ikuallannerup qatserisartut upalungaarsimasullu angusinnaasaannut anngunnissaa taamaammat maanna utaqqineqalerpoq, tatsit tamaaniittut imermik maqitsiffiusinnaassammata.

Nunap ikuallaffiusup nalaani sisamanngorpamiit sapaat ilanngullugu siallerfiunissaa ilimasaarutigineqarpoq, nunalli ikuallannera qaminnani kigaannerusumik taamaalinerani siaruaakkiartornissaa ilimagineqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat