Ikuallaavik dioxinimik annertuumik aniatitsivoq

Nuup kangerluani Kapisilinni eqqakkanut ikuallaavik akuutissamik ulorianartumik dioxinimik annertungaatsiartumik aniatitsivoq.

Artekimi avatangiisinut ingeniøri aamma ph.d-mik ilinniagalik Rasmus Eisted ilisimatusaatigalugu eqqakkat pillugit nalunaarusiamini eqqakkat qanoq ililluni sunniuteqarnerusumik isumagineqartarnissaat misissorpaa.

Kapisillit eqqaani uumasut dioxinimik qanoq innarlerneqarsimatiginersut suli misissuiffigineqanngilaq. Uumasulli kapisilinni innuttaasunut sanilliullugit isumannannginnerusut ilisimatunit nalilerneqarpoq.

- Anori nunaqarfiup tungaanut sammileraagat nunaqarfimmiut ulorianartorsiortinneqalersarput. Tassami akuutissanik ulorianartunik dioxinimillu najuussuisinnaalersarmata, tamannalu inunnut peqqinnagilaq, Center for Arktisk Teknologimeersoq, Rasmus Eisted Sermitsiamut oqarpoq.

Kommuneqarfik Sermeersuumi Pinngortitamut Nungusaataanngistumillu Atuinermut immikkoortortaqarfimmi pisortap, Roar Heine Olsenip Sermitsiamut oqaatigaa, nunaqarfinni ikuallaaviit mikisunnguit atorneqartarneri pitsaavallaanngitsut, tassami taakku atorneqalertillutik ikinneqartarneri nillusarneqartarnerilu arlaleriarlutik pisarmata, taamaattumillu dioxinimik aniatitsineq annertunerulersarluni.

Kapisilinni ikuallaavik mikisunnguummat qularnanngitsumik ajoqusiisinnaanera annikitsunnguussasoq, Roar Heine Olsenip aamma oqaatigaa.

Akuutissap ulorianartup dioxinip, inuup timaata imminut illersorsinnaanera innarlertarpaa aammalu kinguaassiorsinnaassuseq innarlertalugu. Akuutissarlu taanna timimiileraagami aammalu pinngortitamiileraagami arrortikkuminaallisarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat