Ikkatsimi saliinissaq tigussaasunik pilersaaruteqarfigineqanngitsoq
Atassut sinnerlugu Inatsisartuni ilaasortaq Mala Høy Kúko, §37 naapertorlugu apeqquteqaatiminut avatangiisinut naalakkersuisutut kingoraartigisaminit akissutissarsinermi kingorna taama isumaqarpoq.
Naalakkersuisup Suka K. Frederiksenip akissutaani atuarneqarsinnaavoq Tunumi Ikkatseq sumiiffippassuit saliiffigineqartussatut Naalakkersuisut sulissuteqarfigisaasa ilagigaat. Aammali erseqqissaatigineqarpoq tigussaasunik pilersaaruteqarfigineqanngitsoq, aammalu danskit avatangiisinut ministeriata apeqqut pillugu attaveqarfiginissaa pilersaarutigineqanngitsoq.
AAMMA ATUARUK Assiliisartoq ’Amerikamiut naasuinut’ akerliunermut atsiortitseqattaarpoq
Mala Høy Kúkop oqaatigaa danskit ministeriat nammineerluni oqaloqatigisimallugu, saliinermillu suliassap qanoq pilersaarusiorneqarsinnaanera oqaloqatigiissutigisimagitsik.
Taamaammat Naalakkersuisut akissutigisaat naammaginartinngilaa.
- Tamanna assut ajuusaarnarpoq, tassami saliineq imminni suliffissanik aamma pilersitsiffiusinnaammat, Mala Høy Kúko taama allappoq, avatangiisinullu tunngasut aamma tikkuarlugit.
AAMMA ATUARUK Mala Høy Kúko: Saliinernut annertuunut akisussaaffimmik tigusinissaq aarlerinartoqarpallaaqaaq
Kúkop oqaatigaa nunaminertap nappartakorsuaqarfiusup ilaata oqaluttuarisaaneq eqqarsaatigalugu takornariartitsinermut atatiinnarneqarsinnaanera aamma eqqartorneqarsimasoq.
