Ikkarlittut kivissangalersimagaluarput
Royal arctic line-ip kujataani nunaqarfinnut usinik angallassissutaa Anguteq ittuk unnuaq ataatsip qaangilaarnerani Qaqortup kujatinnguani Kangerluarsorujuup paavani ikkarlimmat putullunilu kivissangatinneqalersimagaluarpoq.
Anguteq ittuup ikkarlinnera sumik pissuteqarnersoq pillugu angallatip naalagaa inuttallu tusagassiutinut oqaaseqarusunngillat. Umiarsuaatileqatigiiffik royal arctic line nassuiaaffigineqareerpat, eqqartuusivimmilu tusarniaasoqareerpat aatsaat oqaaseqartoqarsinnaasoq angallatip inuttaanit oqaatigineqarput.
Angallatini orniguttupUsisup naalagaa Jonas Biilmann oqarpoq. Ullup qeqqata siorna aqqanernnut Anguteq Ittummut apuussimallutik.
Anguteq Ittuup naalagaa oqaluttuarsimanerarpaa ikkarlikkamik immaleramik kivissangalerlutik nunamut majorassimallutik. Jonas Biilmann oqarpoq, immanera assut solareqarsimavoq, kisiannilli annertunerusumik ajornartorsiutiginagu Qaqortuliaassimagitsik.
Anguteq ittuk uuliakoormat massakkut Qaqortup umiarsualiviani isumannaallisaasoqarpoq, eqqartuusivimmilu tusarniaanissaq qaqugu pissanersoq oqaatigineqarsinnaangikkallarpoq.