Ikkami immap naqqani napasuliat tv-kkut sammineqassapput

Ilisimatuut isumaqarput immami issittup nunaaniittumi, bakteerissat napasulianngortitsisartut sananeqaatinik enzyminik siornatigut suussusersineqarsimanngitsunik akoqartut.

Enzymit taakku proteininik, orsumik issortitsissummillu pilersitsisarput, taamaammallu assersuutigalugu errorsissutinik qaqorsaasiornerni atorneqarsinnaallutik. Ikkami enzyminit nassaassaasunit imermi nillertumi errorsinermi ipeerutivitsitsisinnaasutut isigineqarput.

Enzymit klori atunngikkaluarlugu aamma pappiaraliornermi qaqqorissaatitut atorsinnaasorineqarput, akoorutissat sakkortuut atunngikkaluarlugit amernik qitulisaataasinnaallutik, allaallu viinniliat immussualiat iffiukkallu mamarlutillu puallarnarpallaanngitsut enzymi atorlugu tunisassiarineqarsinnaasorineqarput.

Uumassusilerinermik ilisimatuut biologit Ikkap kangerluaniinnerminni tassa enzyminik atorluarsinnaasunik nassaarnissartik neriuutigaat. Enzymit aamma pinngortitamik mingutsitsinnginnerulernissamut silaannaallu kissatsikkiartorneranut unikaallatsitsisinnaasutut isigineqalereerput.

DR2-p tv-kkut aallakaatitassiaa unnugu Danmarkimi takuneqarsinnaasoq KNR-TV-kkut marlunngorpat tulliani ”Paasisat”-ni takuneqarsinnaassaaq.