Ikiuutit Burmami kingumut arsaarinnissutigineqarput
Naalakkersuisut, inunnillu nunarsuaq tamakkerlugu ikiuiniaqatigiiffiit, naammagittaalliutigaat, ikiuiniutit arriippallaamik anngunniartarnerat, sakkutuummi naalakkersuisut kimigiisertuarput ikiuutinik namminneq agguaasarniarlutik.
Aviisimi Politikenimi allaaserineqarpoq, ikiuutissat poortoqqinneqartartut, Burmamilu oqartussaasut namminneq nipittartuutiminnik ilisarnaasertaraat. Taamaaliornermikkut una anguniarunarpaat nunarsuarmioqataasunit ikiorserniarneqarnertik innuttaasut paasissanngikkaat.
Danmarkip Bangkokimi aallartitaa illoqarfimmut Yangonip avannaani kangiani kilometerinik hornorujut missaannik ungasitsigisumiittumut, Bago-mut, angalasimavoq, nunanut allanut ministereqarfik taama ilisimatitsivoq. Aallartitaq taanna nalunaarpoq, nerisassanik ikiuutinik nunap kujasissuanut ajunaarnersuaqarfioqisumut pajuttortoqarunanngitsoq.
Kiattup anorersuata, Nargis-ip, sapaatip akunnerata ataatsip missaata matuma siorna Burma aqqusaalutoraa, inuillu 100.000-t ajunaarsimanissaat Naalagaaffiit Peqatigiit ilimagaat, sulilu inuit ¼ millionit missaat suli maqaasineqarput.
