Ikiuutissat Myanmarimut eqqunneqallattaalerput

-Isumaqarpunga piumassutsip soqutiginninnerullu amigaataanerat ajornartorsiutaasorujussuusoq, naalakkersuineq illersorusunneruaat, innuttaasut pinnagit, Michael Sternberg oqarpoq. Danmarkip aallartitaa taanna ullut tallimat Burma-p illoqarfiisa annersaanni, Rangoonimeereerluni, Bangkokimut uteqqammerpoq.

Rangoonimiinnermini sakkutuut naalakkersuisut ataatsimeeqatigai, aammali sakkutuuliiffigineqanngitsumut nunaannarmukarnissaminut periarfissaqarsimalluni. Ajunaarnersuaqarfiusuni inuit ikioqatigiilluarput, sakkutuulli naalakkersuisut allarluinnarnik eqqarsaateqarput.

-Aviisiliortunik tusagassiortunillu anngiortumik isersimasunik ujaasinerminni piffissarujussuaq atortarpaat, inuillu Burmamut isersinnaanissaminnut visummimik pinissaat pingaarteqaat,Mikael Sternberg oqaluttuarpoq.

Danmarkip Thailandimi aallartitaa naapertorlugu, naalakkersuinerup ajalusoornissaa sakkutuut naalakkersuisut ernummatigaat. Taamammat Mikael Sternberg isumaqarpoq, pissutsit najummassimanaqisut pissaanermik tigumiallit soqutiginngikkaat.:

-Rangoonip avannarpasissuani 1.000 kilometerinik ungasitsisumi illoqarfimmi Nabedoorimi avinngarusimalluinnartumiipput, tassanilu sukisaarsartarfik atorsinnaasutuaq tassaavoq golfertarfik. Generalit tamarmik golfernermik nuannarisalerujussuupput, ullut tamaasa naapikkaangamik pissutsit qanoq ajunngitsiginerat oqaluuserisarpaat, namminnermi isumaqarunarput suna tamaat annaassinnaallugu.

Myanmarimi ajornartorsiortunut ikiuutissat tamanut anngunnissaat qulakkeerumallugu sakkutuut atorneqaqqilernissaat Frankrigimit isummersuutigineqarpoq.