Ikiuisoqarpoq

Tasiilami meeqqat ikiorniarneqanngillat, DR-p TV-aviisiani taama qulequtserlugu Tasiilami meeqqat pillugit aallakaatitamisulli sumiginnagaa-tiginngitsut, Ilaqutariinermut pisortaqarfimmi pisortap Martha Lund Olsen-ip sapaatit akunnerani kingullermi Tasiilamiikkami takusimanerarpaa:

”Marlunnik psygologeqartut, ilaqutariinnut sullissinissamik immikkut ilisimasalinnik sulisoqartut, takkullugit assut nuannerpoq”, Martha Lund Olsen Radioaviisimut oqarpoq.

Pisariaqartitsineq annertusimanermat taamatut sulisoqarneratut paasineqarsinnaannginnersoq apeqqutigineqarmat akivoq:

”Ilisimaneqarpoq ukiuni kingullerni immaqa 1990-sikkut qiteqqunnerani tappavani annertuumik ajornartorsiuteqartoqartoq naluneqanngilaq.

Taamaattumillu taamanikkut immikkut seminarimik pisoqarnikuusimavoq”.

Taamaattumik Martha Lund Olsen isumaqarpoq, Ammassallip kommuniani kommunalbestyrelsip assut pingaartikkaa sullissilluarnissamik siuarsaa-nissaq.

”Taamaalilluni suleriaatsit ajunngivissut misilittagaqarfigilersimagaat paasinarpoq”.

Ammassallip kommunia periuserineqartoq sinerissami kommuninut allanut innersuussinnaaneraa apeqqutigineqarmat Martha Lund Olsen akivoq,

”Ajornartorsiutit taamatut annertutigisut qaangerniaraanni, inuit ajornartorsiuteqarfii tikillugit naapitsinissaq tassanngaaniillu suliartarnissaq pisariaqartutut isumaqarfiginarpoq”.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat