Ikiuiniartut Myanmarimut isersinnaanngorput
Asiami nunat peqatigiit ASEAN Singaporemi ataatsimeeqqammerput, ASEAN-imut ilaasortat nunanut allanut ministerii ataatsimiimmata.
- Nunat tamat peqatigalugit Myanmarimi ikiuiniartoqarsinnaanngorpoq, Singaporep nunanut allanut ministeria George Yeo oqarpoq, erseqqissaatigalugulu ASEAN ikiuiniarnermut aaqqissuisuussasoq.
Anorersuaq kaavittuliortoq Nargis maajip aappaanni atuuppoq, naalakkersuisullu mattussinerisigut ikiuiniarlutik nalunaartut imaaliallaannaq Burmamut isersinnaasimanatik.
Anorersuup malitsigisaanik aseruatiternerit 50 milliardi koruunit missaanni naleqassasut ilimagineqarpoq.
Thailandip nunanut allanut ministeria Noppadon Pattama ataatsimiittoqarnissaa nalunaarutigaa.
Rangoonimi ataatsimiinnissaq maajip 22-ani 23-anilu pissaaq, Asiami nunat peqatiit ASEAN ataatsimiisitsissammat.
- Myanmarip ikiorneqarnissaa pillugu Rangoonimi ataatsimiittoqassaaq, naak Naalagaaffiit Peqatigiit siuttuata Ban ki-Moonip Thailandimi ataatsimiittoqarnissaa piumasarigaa, Myanmarimiulli qanoq piumasaqarnerssut paaseqqaartariaqarparput, Thailandip nunanut allanut ministeria oqarpoq.
