Ikiuiartortut ajunaarfiit tamaasa tikikkusuppaat

Myanmarimi sakkutuut naalagaasa qullersaata Than Shwe-p, nunanit allanit ikiuiartortut ”tamaasa” nunamut isersinnaalersippai.
maajip 23-at 2008 08:11

Burma-simasumi kiattup anorersuaa kaavittuliortoq, Nargis-imik taasaq, maaji aallartilaartorli atuummat inuit 2,4 millioninik ikinnerunngitsut ikiortariaqalerput.

Naalagaaffiit Peqatigiit generalsekretæriata Ban Ki-Moon-ip, sakkutuut naalagaasa qullersaannik nalunaaquttat akunnerini marlunni ataatsimeeqateqareerluni, ikiuiniaqatigiit nunanit allaneersut isersinnaatitaalernerat nalunaarutigaa.

Dansk Røde Korsimeersoq Anders Ladekarl oqarpoq, tusagaq tunngavigalugu nuannaarnissamut suli pissutissaqanngitsoq.

- Myanmarimi illoqarfiit pingaarnersaannut taamaallaat isersinnaassagutta naammanngilaq, ikiuiniarneq tamakkiisuussaappat ajunaarfiit aamma avinngarusimasuniittut tikissinnaasariaqarpagut. Aatsaat taamaattoqarpat nuannaarsinnaassaagut, Ladekarl oqarpoq.