Ikiueqqaarnermut nersornaaserneqartoq: Inuunermik annaassineq
Kalaallit Røde Korsiat 10.000 koruuninik aningaasartalimmik ukiut tamaasa ikiueqqaarnermut nersornaasiisarpoq.
Ikiueqqaarnermut ataatsimiititaliap isumaqatigiillutik 2024-mi Orla Joelsen nersornaaserneqartussatut toqqarsimavaat. Sukkasuumik aalajangersimasumillu iliuuseqarnikkut inuup annaanneqarnissaanut ikiuutaavoq – suliniut politiit pingaaruteqartutut inuunermillu annaassinertut nalilersimavaat.
Taamaattumik Orla Joelsen politiinit innersuussutigineqarsimavoq, taakku erseqqissaatigaat pisumi ilungersunartumi iliuuseqarsimammat. pisoq ilisimasanik piginnaasanillu kisimik pisariaqartitsiviusimanngilaq - aammali iliuuseqarnissamut sapiissuseqarnissaq pingaaruteqarsimavoq.
"Ikiueqqaarneq taamatorpiaq siunertaqarpoq – tassa sassarnissamut sapiissuseqarneq. Akisussaaffimmik tigusinissamut sapiissuseqarneq. Suliamik suliaqarneq – massa pissut neriuuteqarnanngitsutut isigineqartaraluarpataluunnit", KRK tusagassiuutinut nalunaarummi allappoq.
KRK-mit innersuunneqartut tamaasa qutsavigineqarput, aammalu Orla Joelsen tunniusimalluinnarnini maligassiuillunilu iliuuseqarsimanera pillugu immikkut qutsavigineqarpoq.
Ikiueqqaarneq tassaavoq piginnaasaq pingaaruteqartoq annertuumillu allanngortitsisinnaasoq – inuullu annaanneqarneranik kinguneqarsinnaasoq.
Orla Joelsen ukiumi 2024-mi ikiueqqaarnermut toqqarneqarnera pillugu pilluaqquarput.
Ikiueqqaarneq pillugu paasisaqarnerorusuppit? KRK-p nittartagaa takuuk: her.
