Ikiorsiissutiiaaniarneq tupaallannartortaqanngitsoq

Danskisut oqalussinnaanermik piginnaasakitsut, danskillu oqaasiinik ilinniarusunngitsut, aningaasanik ikiorsiissutisiarisartagaanik piiaaffiigineqartalernissaat, folketingimi ilaasortanit amerlanerussuteqartunit isumaqatigineqarpoq. Københavnimi Kalaallit ornittagaanni Qiperoq-mi ingerlatsinermut pisortap taamatut iliorniarneq tupaallannartortaqartinngilaa.

Kalaallit Danmarkimi najugallit danskisut oqalussinnaanermik piginnaasakitsut ikiorsiissutisiarisartakkatik sinnassaatigiinnaraat, folketingimi ilaasortamit konservativineersumit Tom Behnke-mit aammalu socialdemokratineersumit Anne-Marie Meldgaardimit oqaatigineqarpoq. Danskisut ilinniarusunngitsunut ikiorsiissutaanik piiaasinnaanermik siunnersuuteqarneq tupaallannartoqanngitsoq, Københavnimi Kalaallit ornittagaanni Qiperoq-mi ingerlatsinermut pisortaq Beathe Milfeldt oqarpoq.

- Tupaallannartutut uanga isigisinnaanngilara, taamatut ingerlapajaareeratta. Sagsbehandlerit aalajangersimasumik qaammatit pingasukkaarlugit orninneqartarput, suliffissaaleqisut suliassanut ornittakkanullu malinnaanngippata ikiorsiissutaanik piiaaffigineqartarput. Inatsisinngorlugu taamaaliortoqassappat imaassinnaavoq kalaallit ilaasa iluaqutigalugu ilinniarusulernermik piumassuseqarnerulersikkaat. Aalajangersorneqalerpat Kalaallit atugarlioreersut atugarliornerulissapput, ernumanartoqarlunilu iluatinnartortaqarpoq. Aamma ukiut kingulliit pingasut Københavni immikkut aningaasaliissutinik tunniussinikuuvoq, taannalu maannakkut ingerlalluarluni, aamma taanna periarfissaq kalaallit atorluarpaat, aammalu Kalaallit illua ilinniarnissap tungaanut ikiuisupilussuuvoq, soorlu qallunaatut ilinniartitsineq ingerlanneqartarpoq.

Taama oqarpoq Københavnimi kalaallit ornittagaanni Qiperoq-mi ingerlatsinermut pisortaq Beathe Milfeldt.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat