Ikinngutigiit marluk "Perlevenner"-nik imminnut taagortut, DR peqatigalugu ulluni tulliuttuni aqqanilinni Kalaallit Nunaanni angalassapput.
- Quianartukujuit qimerluussavavut inuppassuillu maani Kalaallit Nunaanni naapissallugit, nutaanillu misigisassarsiorluta.
Sumukarnissarsi nalunngilisiuk?
- Nuumminngaanniit aallartissaagut Kangerlussuarmukarlutalu, taava Nuummi angalaassaagut allarpassuarnillu sammisaqarluta, qimusserluta scootererlutalu, apummit illuikkiamiilluta helikopterertarlutalu.
Kalaallit Nunaat pillugu sorpiaat nalunngilisigit?
- Aputeqartorujussuusoq uumasorpassuaqartorlu aammalu inuppassuaqanngitsoq nalunngilarput, 40.000-inillu inoqartoq.
Programmi taanna suliarilersinnagu Kalaallit Nunaaliarnissarsi isumaliutersuutigisimavisiuk?
-Naagga, kisiannili tikinnissaa pissangagisimavarput.
Arlassi suut qilanaarinerpaavai?
-Immaqa qimussernissaq, kisiannili Kalaallit Nunaannukarneq misigisaassaaq angisooq, tassami nunarujussuummat kikkut tamarmik nalunngilaat nunarsuup assinganiittoq.