Carla Sands ippassaq unnukkut allaat naatsorsuutigaa Trump Danmarkimut tikeraarumaartoq.Assi: KNR

USA-p aallartitaa: - Ikinngutigiit iligiillu oqaluuserisassat ammallutik unneqqarissimullu oqaluuserisinnaasariaqarpaat

- Ikinngutigiit suulluunnit oqaluuserisinnaavaat. USA-p Danmarkimi aallartitaa Carla Sands , præsident Donald Trumpip Danmarkimut pisortatigoortumik tikeraarniarunnaarneranut atatillugu taama ilaatigut allaaserisaqarpoq:

- Danmarkip USA-llu akornanni pissutsit ajunngitsuujuarsinnarput, USA-llu præsidentiata Danmarkimut tikeraarnissani suli naatsorsuutigaa, Carla Sands Twitterikkut taama allaaserisaqarpoq, nangillunilu:

- USA-p præsidentiata Danmark pingaartillugulu ataqqivaa, siunissamilu tikeraarnissani qilanaaralugu, nunattalu Danmarkillu akornanni pissutsit nukittuut pillugit oqaluuserisassanik pingaarutilinnik oqaluuserinninnissamut qilanaaralugit, USA-p Danmarkimi aallartitaa oqarpoq.

- Ikinngutigiit iligiillu oqaluuserisassat suulluunniit ammallutik unneqqarissimullu oqaluuserisinnaasariaqarpaat, Carla Sands ullumi taama ilaatigut allaaserisaqarpoq.

Trumpip Danmarkimut tikeraarniarunnaarnera aallartitap taassuma aamma uissuummissutigaa, Trumpimmi Danmarkimut tikeernerani tikilluaqqunissaa qilanaaralugu Twitterikkut ippassaq allaat allaaseraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat